Տիմոշենկո. Յանուկովիչի ու Պուտինի պայմանավորվածությունները կհանգեցնեն Ուկրաինայի ինքնիշխանության կորստին
Ռուսաստանի եւ Ուկրաինայի նախագահների միջեւ դեկտեմբերի 17-ին ձեռք բերված պայմանավորվածությունները ռազմավարական հեռանկարում կբերեն Ուկրաինայի պետական ինքնիշխանության կորստին, հայտարարել է նախկին վարչապետ Յուլյա Տիմոշենկոն, տեղեկացնում է INTERFAX-ը:
«Յանուկովիչի եւ Պուտինի միջեւ պայմանավորվածության էությունը նկատելիորեն լայն է ու բարդ, քան պարզունակ համաձայնագրերը, որոնք մասնակիորեն ներկայացված են Ուկրաինային եւ աշխարհին: Այս պայմանավորվածությունների արդյունքները կյանքի կկոչվեն քայլ առ քայլ, երկարաժամետ ռազմավարական հեռանկարում` մինչեւ Ռուսաստանի լիակատար գերակայությամբ եւ մեր պատական ինքնիշխանության աստիճանական կորստով միասնական պետական կազմավորումների ստեղծումը»,-նշվում է Տիմոշենկոյի հայտարարության մեջ:
Ըստ նրա` Մոսկվայում ստորագրված փաստաթղթերն ավելի վատ են, քան «Մաքսային միություն սովորական մուտքը»:
