Ինչպես իրականություն դարձավ վարչապետի կանխատեսումը
Բավականին շատ է գրվել այն մասին, որ ներդնելով կուտակային կենսաթոշակային համակարգը՝ կառավարությունը նպատակ ունի տարեցներին պահելու սոցիալական պատասխանատվությունը իր վրայից տեղափոխել ՀՀ քաղաքացիների ուսերին։
Իրականում, ՀՀ պետական այրերը դա երբեք էլ չեն թաքրցրել։ Օրինակ՝ աչքի անցկացնելով արխիվները՝ մենք հանդիպեցինք Տիգրան Սարգսյանի՝ 2011թ. նոյեմբերին ունեցած ելույթին Եվրոպական ժողովրդական կուսակցության քաղաքական ասամբլեայի նիստում (Բելգիա)։
«Վերջերս, մենք ընդունեցինք կենսաթոշակների կուտակային համակարգը, որն ամբողջությամբ ուժի մեջ կմտնի 2014 թվականին։ Այս նոր համակարգի արդյունքում, կարծում ենք, որ մեր քաղաքացիներն ավելի անմիջականորեն պատասխանատու կլինեն իրենց ապագայի, ինչպես նաև ողջ հասարակության բարեկեցության համար։ Սա, միջին խավի զարգացման հետ մեկտեղ, կնպաստի ավելի կենսունակ քաղաքացիական հասարակության ձևավորմանը»։
Ինչպես տեսնում եք՝ Տ. Սարգսյանի կանխատեսումն իրականություն է դարձել. Քաղաքացիական հասարակությունը դառնում է ավելի կենսունակ և պայքարում կենսաթոշակների կուտակային համակարգի դեմ։
