Բժշկուհին մեղադրվում է տարեց կնոջը վտանգի մեջ թողնելու մեջ
Դատարանի վարույթ է ընդունվել «Վանաձորի Տարեցների տուն» հիմնադրամի բժշկուհի Մարինե Դանիելյանի դեմ գործը:
Այս մասին տեղեկացնում է «Փաստինֆոն»:
Նա, ըստ մեղադրանքի, Տարեցների տան բնակչուհի Սվետլանա Դուրգարյանին երկու օրվա ընթացքում օգնություն ցույց տալու իրական հնարավորություն ունենալով հանդերձ` թողել է նրան անօգնական վիճակում: Տարեցն, ըստ մեղադրական եզրակացության, գտնվել է կյանքի համար վտանգավոր վիճակում է և անգիտակից լինելու հետևանքով՝ զրկված է եղել ինքնապահպանության միջոցներ ձեռնարկելու հնարավորությունից:
50-ամյա Մարինե Դանիելյանին մեղադրանք է առաջադրվել՝ ՀՀ քրեական օրենսգրքի 128-րդ հոդվածի 2-րդ մասով՝ Վտանգի մեջ թողնելը: Նրա նկատմամբ խափանման միջոց է ընտրվել չհեռանալու մասին ստորագրությունը:
