Հռոմի Պապը ծննդյան օրը նշել է երեք անօթեւանների ու շնիկի ընկերակցությամբ
Հռոմի Պապ Ֆրնցիսկոսն իր 77-ամյակը նշելու համար նախաճաշի է հրավիրել երեք անօթեւանների, գրում է La Repubblica պարբերականը:
Երեք անօթեւանները, որոնք «բնակվում են» Սուրբ Պետրոսի տաճարի մոտակայքում, մասնացել են տոնական համեստ նախաճաշին` Ֆրանցիսկոսի Սանտա Մարթա նստավայրի աշխատակիցների հետ միասին: Պապի արտասովոր հյուրերի թվում է եղել նաեւ անօթեւաններից մեկի շնիկը:
Կաթոլիկների հոգեւոր առաջնորդի ծննդյան օրն ավանդաբար Վատիկանում չի նշվում, եւ երեքշաբթին եւս սովորական աշխատանքային օր է եղել: Ֆրանցիսկոս Պապը, սակայն, շնորհավորանքներ է ստացել աշխարհի բոլոր ծայրերից:
