Կառավարությունը «փողից կտրեց» ապահովագրական ծառայություններին
ՀՀ կառավարությունն իր ավելի վաղ ընդունած որոշումներից մեկում կատարել է փոփոխություններ և լրացումներ, որոնց նպատակն է սոցիալական փաթեթի պարտադիր պայման հանդիսացող ապահովագրության ծառայությունը փոխարինել պետության կողմից տրամադրվող (բժշկական օգնության և սպասարկման ծառայությունների) առողջապահական փաթեթով, բանկերի կողմից հաշվետվության ներկայացման ժամանակահատվածը բաշխել ամսական, եռամսյակային և տարեկան կտրվածքով և այլն:
Սա նշանակում է, որ գումարները կգնան ոչ թե ապահովագրական ընկերություններ, այլ անմիջապես՝ առողջապահության նախարարություն։
Նշենք, որ մամուլի հրապարակումների համաձայն՝ ապահովագրական մի շարք ընկերություններ արդեն իսկ սկսել էին հրաժարվել բժշկական ծառայությունների դիմաց քաղաքացիներին փոխհատուցումներ տրամադրելուց։
