ԱՄՆ-ն դիտարկում է Ուկրաինայի նկատմամբ պատժամիջոցներ կիրառելու հնարավորությունը
ԱՄՆ պետքարտուղարության ներկայացուցիչ Ջեն Փսակին հայտարարել է, որ ԱՄՆ ղեկավարությունը քննարկում է Ուկրաինայի նկատմամբ տարբեր գործողությունների, այդ թվում` պատժամիջոցների կիրառման հնարավորությունները, հաղորդում է Reuters-ը:
«Քննարկվում են տարբեր գործողությունների, այդ թվում` պատժամիջոցների կիրառումը, բայց գնահատումը դեռեւս ավարտված չէ, որոշումները կայացված չեն», -նշել է Պետքարտուղարության ներկայացուցիչը: Նա ավելացրել է, որ Վաշինգտոնը կոչ է անում Ուկրաինայի իշխանություններին վերադառնալ Եվրամիության եւ ԱՄՀ-ի հետ երկխոսությանը, ինչպես նաեւ ականջալուր լինել սեփական քաղաքացիների պահանջին:
«Ուկրաինան դեռեւս ունի եվրաինտեգրման ուղին շարունակելու հնարավորություն»,-եզրափակել է ամերիկացի պաշտոնյան:
