Ստեփան Հակոբյանը դատապարտվեց 15 տարվա ազատազրկման
Երևանի Մալաթիա-Սեբաստիա վարչական շրջանների ընդհանուր իրավասության դատարանը՝ դատավոր Տիգրան Պետրոսյանի նախագահությամբ, այսօր Սեդրակ Զատիկյանի սպանությունը պատվիրելու մեջ մեղադրվող Ստեփան Հակոբյանին դատապարտեց 15 տարվա ազատազրկման: Այս մասին գրում է «Փաստինֆոն»:
Դատարանն այսպիսով, ապացուցված համարեց պատվեր տալու մեղադրանքը: Իսկ ապօրինի ռազմամթերք՝ փամփուշտներ պահելու մեղադրանքում ամբաստանյալն արդարացվեց:
Մեղադրող Արմեն Մարուխյանն իր մեղադրական ճառում միջնորդել էր ամբաստանյալ Ստեփան Հակոբյանին դատապարտել 15 տարվա ազատազրկման, իսկ ամբաստանյալի պաշտպան Երեմ Սարգսյանը միջնորդել էր գործը կարճել, իսկ իր պաշտպանյալին՝ արդարացնել:
