«Ներել չկա, Վարդան Պետրոսյանը պետք է պատժվի՝ օրենքի ողջ խստությամբ»
Լուսանկարներից ակնհայտ ու պարզ երևում է, որ «ՆԻՎԱ» մակնիշի ավտոմեքենայի հետ Վարդան Պետրոսյանի մեքենայի բախումը տեղի է ունեցել հողածածկ գոտում, այսինքն՝ երթևեկելի մասից դուրս: Այս մասին «Փաստինֆո»-ի թղթակցի հետ զրույցում հայտարարել է տուժող կողմի ներկայացուցիչ, փաստաբան Ռուբեն Բալոյանը: Ըստ նրա, սա բավարար է, որպեսզի վթարի մեջ Վարդան Պետրոսյանը ճանաչվի մեղավոր:
«Թե ինչու է Վարդան Պետրոսյանը երթևեկելի մասից մուտք գործել հողածածկ տարածք, բախվել հողածածկ տարածքում կանգնած «ՆԻՎԱ»-ին, չեմ ուզում մեկնաբանել, չեմ ուզում որևէ ձևով վնասել, ցավ պատճառել: Ես գիտեմ դրա պատճառը, բայց չեմ ուզում որևէ մեկին լրացուցիչ ցավ պատճառել,- ասել է տուժող կողմի ներկայացուցիչը՝ միաժամանակ ընդգծելով,- Չնայած որ պաշտպանական կողմը Հակոբյանների ընտանիքին ենթարկում է փորձությունների՝ օրական մեկ մեղադրող հոդված կամ նյութ հրապարակելով»:
Ռուբեն Բալոյանը նշել է, որ վերջին՝ վթարի 3D մոդելավորված տարբերակի վերարտադրության վերաբերյալ նյութով փորձ արվեց «ՆԻՎԱ»-ի վարորդին մեղադրել վթարի մեջ և Վարդան Պետրոսյանին արդարացնել:
«Ցավալին այն է, որ նյութը տեղադրվեց հենց երեխաների քառասունքի օրը, բարոյական տեսանկյունից դա անընդունելի է, նման բան չէր կարելի անել: Այնպիսի մի վիճակ է ստեղծվել, որ ինձ տուժողների հարազատները հստակ հայտարարեցին, որ՝ ներել չկա, Վարդան Պետրոսյանը պետք է պատժվի՝ օրենքի ողջ խստությամբ»,- ասել է նա:
Ամբողջությամբ կարող եք կարդալ սկզբնաղբյուր կայքում:
