Խցանման մեջ են հայտնվել 20-30 ավտոմեքենաներ (լրացված)
Դեկտեմբերի 3-ին, ժամը 19.33-ին ահազանգ է ստացվել, որ Սյունիքի մարզի «Զանգեր» կոչվող հատվածում մերկասառույցի հետևանքով խցանման մեջ են հայտնվել տարբեր տվյալներով 20-30 ավտոմեքենաներ. անհրաժեշտ է փրկարարների օգնությունը: Այս մասին տեղեկացնում են ԱԻՆ-ից:
Դեպքի վայր է մեկնել երկու մարտական հաշվարկ: Հաղորդվում է, որ ժամը 22.00-ի դրությամբ արգելափակումից դուրս են բերվել 13 ավտոմեքենաներ: Ժամը 22.30-ի դրությամբ հրշեջ-փրկարարները խցանումից դուրս են բերել 15 ավտոմեքենա, որից հետո երթևեկությունը վերականգնվել է, և մոտ 120 ավտոմեքենաներ շարունակել են ընթացքը:
