Ինչ է կատարվում Բաղրամյան պողոտայում (տեսանյութ)
ՀՀ նախագահի նստավայրում քիչ առաջ ավարտվել են հայ-ռուսական բարձր մակարդակի բանակցությունները: Երկու երկրների նախագահները երկար ժամանակ գտնվել են ՀՀ նախագահի նստավայրում` ունեցել առանձնազրույց, ապա կայացել են պաշտոնական պատվիրակությունների մասնակցությամբ ընդլայնված կազմով բանակցությունները, որոնց արդյունքներով ստորագրվել են մի շարք ոլորտներում երկկողմ համագործակցության զարգացմանն ու խորացմանն ուղղված փաստաթղթեր:
Իսկ այս ընթացքում Բաղրամյան փողոցի մի զգալի հատված փակ էր. քաղաքացիները չէին կարողանում անցնել փողոցով, նստել մետրո կամ օգտվել երթուղայիններից: Դեմիրճյան փողոցում երթևեկությունը կանգնել էր. մարդիկ նախընտրում էին իջնել երթուղայիններից, շրջանցել այդ հատվածները:
