Հայաստան են ժամանել ռուսական բանակի 2 հազարից ավելի նորակոչիկներ
Ռուսական բանակի հայաստանյան բազայում զինծառայողների ռոտացիա է տեղի ունենում: «Ազատություն» ռադիոկայանի փոխանցմամբ՝ ռուսաստանյան բանակի Հարավային զինվորական շրջանի մամուլի ծառայության տարածած հաղորդագրության համաձայն, ավելի քան 1600 զինծառայողներ ուղարկվել են Վոլգոգրադի և Բուդյոնովսկի զորամասեր, որտեղից էլ նրանք զորացրվելու են:
Զորացրվողների փոխարեն արդեն իսկ իրականացված ավելի քան 20 ավիաչվերթներով Երևան և Գյումրի են ժամանել 2 հազարից ավելի նորակոչիկներ՝ շարքայիններ և սերժանտներ, ովքեր տարբեր ռազմական մասնագիտությունների գծով նախնական ռազմական պատրաստականություն են անցել ռուսական բանակի կրթական կենտրոններում:
Ամբողջությամբ կարող եք կարդալ սկզբնաբյուր կայքում:
