ԱՄՆ-ում անհայտ անձը կրակ է բացել մարդկանց վրա. կան վիրավորներ

San Jose Mercury News պարբերականի փոխանցմամբ՝ ԱՄՆ Կալիֆոռնիա նահանգի Օքլենդ քաղաքի արևելյան հատվածում գտնվող զբոսայգիներից մեկի մոտ անհայտ անձը կրակ է բացել, ինչի հետևանքով վիրավորվել է առնվազն 7 մարդ:

Միջադեպը գրանցվել է երեկ երեկոյան, Verdese Carter այգու մոտ: 7 մարդ հոսպիտալացվել է հրազենային վնասվածքներով: Նրանց առողջական վիճակի մասին ոչինչ չի հաղորդվել: Հանցագործի ձերբակալման և միջադեպի այլ մանրամասների մասին նույնպես ոչինչ չի հաղորդվել: