ԱՄՆ սենատը դեկտեմբերին կդիտարկի Իրանի դեմ պատժամիջոցների խստացման հարցը
Ռուսական РИА Новости լրատվական գործակալության փոխանցմամբ՝ ԱՄՆ սենատը դեկտեմբերին դիտարկելու է Իրանի դեմ պատժամիջոցների խստացման հարցը՝ չնայած նոյեմբերի 24-ին Ժնևում «Վեցյակի» ու Իրանի միջև պայմանավորվածության ձեռք բերմանը: Այս մասին հայտարարել է Սենատում դեմոկրատական մեծամասնության առաջնորդ Գարրի Ռիդը.
«Երբ մենք դուրս կգանք ընդմիջումից (դեկտեմբերի 9), մենք կդիտարկենք առավել խիստ պատժամիջոցներ սահմանելու հարցը: Տվյալ հարցով լսումներ կարող են հրավիրել Սենատի բանկային հանձնաժողովի նախագահ Թիմ Ջոնսոնը և միջազգային հարաբերությունների հանձնաժողովի ղեկավար Ռոբերտ Մենենդեսը: Եթե անհրաժեշտ լինի ընդունել առավել լուրջ պատժամիջոցներ, ես վստահ եմ, որ մենք կանենք դա»:
