Տաջիկստանը 18-ամյա ընդմիջումից հետո ունի Պաշտպանության նոր նախարար
Ռուսական РИА Новости լրատվական գործակալության փոխանցմամբ՝ Տաջիկստանի նախագահ Էմոմալի Ռահմոնը 18 տարում առաջին անգամ փոխել է երկրի Պաշտպանության նախարարին: Գեներալ-գնդապետ Շերալի Հայրուլոևին, ով նոյեմբերին դարձավ 64 տարեկան, փոխարինել է գեներալ-լեյտենանտ Շերալի Միրզոն:
Այս մասին հայտնել է պետության ղեկավարի մամլո ծառայությունը: Նշվում է, որ Շերալի Միրզոն մինչ նոր նշանակումը հանդիսանում էր Տաջիկստանի սահմանապահ զորքերի գլխավոր վարչության ղեկավարը: Շերալի Հայրուլոևն իր հերթին հանդիսանում էր Տաջիկստանի կառավարության վերջին քաղաքական երկարակյացը (1995 թվականից՝ Տաջիկստանի պաշտպանության նախարար):
