Վիկտորյա Նուլանդը Հայաստանի ու Ադրբեջանի նախագահներին կոչ է արել համարձակություն ցուցաբերել
Haqqin.az պորտալի փոխանցմամբ՝ ԱՄՆ փոխպետքարտուղար Վիկտորյա Նուլանդը, ելույթ ունենալով Ատլանտյան խորհրդում, Հայաստանի ու Ադրբեջանի նախագահներին կոչ է արել համարձակ գտնվել և ցուցաբերել ստեղծագործական մոտեցում:
Նուլանդը դրական է գնահատել նոյեմբերի վերջին պլանավորված Հայաստանի ու Ադրբեջանի նախագահների հանդիպումը, ինչը կլինի նրանց առաջին հանդիպումը գրեթե երկու տարվա ընթացքում: Նուլանդի խոսքերով՝ եթե Երևանն ու Բաքուն ցուցաբերեն կամք և ձգտում, ապա որևէ մեծ հարևան չի կարող կանգնեցնել նրանց:
