Վրաստանի գլխավոր դատախազը չի բացառել Սաակաշվիլիին հարցաքննելու հնարավորությունը
Վրացական «Ռուսթավի 2» հեռուստաընկերության փոխանցմամբ` Վրաստանի գլխավոր դատախազ Արչիլ Կբիլաշվիլին չի բացառել նախագահի պաշտոնին հրաժեշտ տվող Միխեիլ Սաակաշվիլիին հարցաքննելու հնարավորությունը` կապված նախկին վարչապետ Զուրաբ Ժվանիայի մահվան հետ:
Կբիլաշվիլին ընդգծել է, որ ներկա դրությամբ կարիք չկա պետության ղեկավարին հարցաքննել որևէ գործով` էլ չխոսած քրեական գործ սկսելու մասին: Կբիլաշվիլիի խոսքերով` նման անհրաժեշտություն կարող է ծագել իրենց կողմից որոշակի փաստերի հայտնաբերումից և տվյալ երևույթին սեփական պաշտոնական անուն տալուց հետո:
Սաակաշվիլիին իշխանության բերած «Վարդերի հեղափոխության» առաջնորդներից Զուրաբ Ժվանիան մահացել է 2005 թվականի փետրվարի 3-ին` պաշտոնական վարկածով գազի արտահոսքից: Ժվանիայի ընտանիքը քանիցս հայտարարել է, որ համակարծիք չէ պաշտոնական տարբերակի հետ:
