Բառոզուն հուսով է, որ ԵՄ-ն ու Վրաստանն Ասոցացման համաձայնագիրը կնախաստորագրեն Վիլնյուսում
Грузия Online-ի փոխանցմամբ՝ Եվրահանձնաժողովի նախագահ Ժոզե Մանուել Բառոզուն երեկ հանդիպել է Վրաստանի նախագահի պաշտոնին հրաժեշտ տվող Միխեիլ Սաակաշվիլիի հետ: Հանդիպումից հետո Բառոզուն հայտարարել է, որ ԵՄ-ը հուսով է Վրաստանի հետ Ասոցացման համաձայնագիրը նախաստորագրել նոյեմբերի 28-29-ին Վիլնյուսում կայանալիք «Արևելյան գործընկերության» գագաթաժաղովում:
Ինչ վերաբերում է այդ համաձայնագրի վերջնական ստորագրմանը, ապա Բառոզուն հույս է հայտնել, որ դա տեղի կունենա 2014 թվականի նոյեմբերին: Բառոզուն կարծում է, որ Սաակաշվիլիի նախագահության տարիներին Վրաստանը զգալի առաջընթաց է ունեցել ժողովրդավարության, իրավական հասարակության կառուցման և օրենքի գերակայության ապահովման հարցերում:
Բառոզուն հավելել է, որ իրենք դեմ են Վրաստանում ընտրովի արդարադատությանը: Նշվում է, որ նա արդեն իսկ շնորհավորել է Գեորգի Մարգվելաշվիլիին՝ կապված հոկտեմբերի 27-ին Վրաստանում անցկացված նախագահական ընտրություններում համոզիչ հաղթանակ տանելու հետ:
