Իսրայելի ՀՀՊ-ը ոչնչացրել է Գազայի հատվածից արձակված հրթիռը
Ռուսական РИА Новости լրատվական գործակալության փոխանցմամբ՝ իսրայելցի զինվորականներն այսօր առավոտյան ոչնչացրել են երկրի հարավում գտնվող Աշկելոն քաղաքի ուղղությամբ պաղեստինցի զինյալների արձակած հրթիռը: Այս մասին հայտնել են իսրայելական բանակի ու ոստիկանության ներկայացուցիչները:
Գազայի հատվածից արձակված ևս մեկ ռեակտիվ արկ ընկել է սահմանային ամայի տարածքում: Զոհեր ու ավերածություններ չկան: Նշվում է, որ 113.000 բնակչությամբ Աշկելոն քաղաքում գործել են օդային տագնապի ազդանշանները, սակայն իսրայելական «Երկաթե գմբեթ» ՀՀՊ-ի համակարգը որսացել է հրթիռը:
Գազայի հատվածի խմբավորումներից ոչ ոք չի ստանձնել հրթիռակոծման պատասխանատվությունը:
