Հայաստանի որ մարզերում են ամենից շատ ջուր խմում
Հայաստանի Հանրապետությունում նախորդ տարվա ընթացքում օգտագործվել է 2 միլիարդ 187.2 միլիոն խմ ջուր, այդ թվում՝ 75.3 միլիոնը՝ խմելու նպատակով։
ՀՀ Ազգային վիճակագրական ծառայության տվյալների հիման վրա մենք կազմել ենք մի աղյուսակ՝ պարզելու համար, թե մեկ անձին որքան խմելու ջուր է բաժին հասել՝ ըստ մարզերի։
Ստացվել է, որ ամենից շատ խմելու ջուր օգտագործել են երևանցիները՝ օրական 100.9 լիտր։ Հաջորդ տեղում Արագածոտնի բնակիչներն են՝ 88.5, իսկ երրորդում շիրակցիները՝ 64.3։ Ամենից քիչ խմելու ջուր օգտագործել են Տավուշի մարզում՝ 29.9 լիտր։
