Ֆինանսական համակարգի վիճակը կայուն է
2013 թվականի առաջին կիսամյակում ՀՀ ֆինանսական հաստատությունների վիճակը ֆինանսապես կայուն է եղել: Այս մասին նշվում է ՀՀ ԿԲ 2013թ. ֆինանսական կայունության հաշվետվությունում։ Ֆինանսական համակարգի հիմնական մասնակից բանկային համակարգում նվազել է վարկերի աճի տեմպը: Միևնույն ժամանակ, արձանագրվել է նաև վարկային պորտֆելի որակի որոշակի վատացում, ինչն անդրադարձել է բանկային համակարգի շահութաբերության վրա: Այնուամենայնիվ, հարկ է նշել, որ բանկային համակարգի կապիտալի համարժեքության և իրացվելիության ցուցանիշները շարունակում են բարձր մնալ պահանջվող մակարդակներից:
