Մադուրոն ստեղծել է Երջանկության ենթանախարարություն
BBC-ի փոխանցմամբ՝ Վենեսուելայի նախագահ Նիկոլաս Մադուրոն կարգադրել է կառավարությունում ստեղծել ժողովրդական բարձր երջանկության հարցերով ենթանախարարություն: Այս մասին հայտնում են վենեսուելական ԶԼՄ-ները:
Մադուրոն հայտարարել է, որ որոշել է ստեղծել այդ գերատեսչությունը՝ ի հիշատակ Սիմոն Բոլիվարի ու Ուգո Չավեսի: Նոր գերատեսչությունը պատասխանատու է լինելու երկրի տարեց բնակիչների, երեխաների, անօթևան անձանց և սահմանափակ հնարավորություններով անձանց ամեն անհրաժեշտ բաներով ապահովելու համար:
Ժողովրդական բարձր երջանկության հարցերով փոխնախարար է նշանակվել Ազգային վեհաժողովի նախկին պատգամավոր Ռաֆայել Ռիոսը: Մադուրոն նաև հայտարարել է, որ դեկտեմբերի 8-ը հռչակվելու է որպես բոլիվարական հեղափոխության առաջնորդ Ուգո Չավեսի նկատմամբ սիրո և հավատարմության օր:
