Սոս Ջանիբեկյանի մայրը SOS է կանչում
Երեկ դերասան Սոս Ջանիբեկյանը վատացել է և նրա համար Շտապ օգնություն են կանչել: Ֆեյսբուքյան իր էջում երեք ժամ առաջ դրամատուրգ Աննա Աղասարյանը պատմել է , թե ինչպես են վարվել իրենց հետ Շտապ օգնության բժիշկը և բուժքույրը:
«Երեկ վերադառնալով Մոսկվայից (ռուսական ֆիլմի նկարահանումներ) տղաս վատացավ, Շտապ օգնության մեքենան մեզ տարավ հիվանդանոց:
Բժիշկ.– Ի՞նչ է սրսկել շտապօգնության բժիշկը։
Ես. – Այդտեղ չի՞ գրված։
Բժիշկ.– Չէ, բա մենք հիմա ո՞նց իմանաք՝ ի՞նչ է սրսկել, որ մենք նույն բանը նորից չսրսկենք։
Ես. -Նա պարտավոր էր գրել չէ՞։
Բժիշկ. –Մոռացել է:
Սոսը շարունակ փսխում էր, անձեռոցիկ եմ խնդրում (իմ վերցրածը վերջացել էր):
Բժիշկ. -Չկա, սա հիվանդանոց է, կաֆե չի, որ անձեռոցիկ տանք:
Ես. -Խնդրում եմ, գոնե բինտ կամ բամբակ տվեք:
Քիչ անց, «դաժանության» քույրը բերում է … զուգարանի թուղթ, երևի մոտակա զուգարանից, ու ես սարսափով նայում եմ, թե անօգնական որդիս ինչպե՞ս է դրանով մաքրում բերանը:
Բժիշկ. -ԲԱԿ անալիզ պիտի արվի:
Ես. -Արեք:
Բժիշկ. -Մենք չունենք:
Ես. -Ո՞վ ունի, որտե՞ղ կա:
Բժիշկ. -Նորքի հիվանդանոցում:
Նորից Շտապ օգնություն են կանչում: Սոսը դողացնում է: Վերմակ են գցում վրան: Վերմակի վրա չորացած փսխանքի հետքեր են:
Ես. –Վերմակը կեղտոտ է։
Բուժքույր. –Շտապ օգնությունը լվացքատուն չունի:
Ես. -Բայց կարո՞ղ է դուք սրանով տիֆով հիվանդ եք տեղափոխել և հիմա գցել եք իմ երեխու վրա՞։
Բուժքույր. -Դե մենք ի՞նչ իմանայինք, որ հիվանդը Սոս Ջանիբեկյանն է:
Ես. -Ես թերթում կգրեմ այս մասին:
Բժիշկ (խառնվելով խոսակցությանը). –Դրանից բան չի փոխվի: Մենակ մեզ գործից կհանեն:
SOS!!!!!!!!!!!!!!!!!!!!!!!!!!!!!»:
