Կիևն ու ԵՄ-ը համաձայնեցրել են Ուկրաինային գազ մատակարարելու նոր երթուղու հարցը

Ռուսական РИА Новости լրատվական գործակալության փոխանցմամբ՝ Ուկրաինան, Խորվաթիան և Հունգարիան պայմանավորվել են իրականացրել Ադրիատիկ գազային միջանցքի նախագիծը: Այս մասին հայտարարել է Ուկրաինայի էներգետիկայի նախարարությունը:

Վերջինիս հաղորդմամբ՝ Ուկրաինայի էներգետիկայի ու ածխային արդյունաբերության նախարար Էդուարդ Ստավիցկին Ուկրաինայի կառավարության անունից Բրյուսելում նախաստորագրել է այդ նախագծի իրագործման եռակողմ հռչակագիրը՝ Խորվաթիայի ու Հունգարիայի հետ:

Նշվում է, որ Եվրահանձնաժողովն աջակցում է այդ նախագծին, որով բնական գազը Խորվաթիայից Հունգարիայի գազատրանսպորտային համակարգերով կհասցվի ուկրաիանական գազամբարներ: