Հոկտեմբերի 28-ին Վիեննայում հանդիպելու են Իրանի փոխարտգործնախարարն ու ԱԷՄԳ-ի ղեկավարը
Ամերիկյան The Associated Press լրատվական գործակալության փոխանցմամբ՝ Իրանի փոխարտգործնախարար ու երկրի միջուկային ծրագրի հարցով գլխավոր բանագնաց Աբբաս Արաղչին հոկտեմբերի 28-ին Վիեննայում հանդիպելու է ԱԷՄԳ-ի ղեկավար Յուկիա Ամանոյի հետ: Այս մասին հայտնել են ԱԷՄԳ-ի ներկայացուցիչները:
Այդ հանդիպումը Վիեննայում տեղի է ունենալու այն բանից ժամեր անց, ինչ այնտեղ բանակցություններ են սկսվելու ԱԷՄԳ-ի փորձագետների հետ իրանական պատվիրակության բանակցությունները:
Ինչպես հաղորդվել էր ավելի վաղ, կողմերի միջև բանակցությունների ժամանակ մասնավորապես քննարկվելու է իրանական միջուկային օբյեկտներ ԱԷՄԳ-ի տեսուչների մուտք գործելու հարցը՝ հատուկ ստուգումներ անցկացնելու համար:
Հոկտեմբերի 30-ին և 31-ին Վիեննայում Իրանի ու «Վեցյակի» միջև անցկացվելու են փորձագետների մակարդակով բանակցություններ:
