Էդվարդ Սնոուդենը փաստաթղթեր ունի Ռուսաստանի դեմ հետախուզական գործունեության մասին. The Washington Post
Ամերիկյան The Washington Post թերթի փոխանցմամբ՝ ԱՄՆ հատուկ ծառայությունների նախկին աշխատակից Էդվարդ Սնոուդենը, ով ժամանակավորապես ապաստան է ստացել Ռուսաստանում, ունի գաղտնի նյութեր, որոնք առնչվում են Ռուսաստանի դեմ հետախուզական գործունեությանը:
Պարբերականի տվյալներով՝ ամերիկյան իշխանությունները ներկայումս զգուշացնում են օտար մի շարք հետախուզությունների, որոնց հետ նրանք համագործակցում են, որ Սոնոուդենի մոտ առկա փաստաթղթերի մի մասում խոսք է գնում հատուկ ծառայությունների կողմից Ռուսաստանի, Իրանի ու Չինաստանի մասին տեղեկատվություն հավաքելու մասին:
Մասնավորապես, կարող է տեղեկատվություն հրապարակվել այն մասին, թե ինչպես է ՆԱՏՕ-ի երկրներից մեկն արժեքավոր հետախուզական տվյալներ հավաքել Ռուսաստանի մասին՝ ԱՄՆ-ի ռազմաօդային ու ռազմածովային ուժերի համար: Այս մասին թերթին հայտնել է նրա աղբյուրը, ով ընդգծել է, որ եթե ռուսներն իմանան այդ մասին, ապա նրանց համար դժվար չի լինի ձեռնարկել հակամիջոցներ:
Թերթի տվյալներով՝ Սնոուդենի մոտ առկա է մոտ 30.000 փաստաթուղթ, և նա դրանցից ոչ բոլորն է հանձնել լրագրողներին:
