Bank of America-ն հիփոթեքային ֆինանսավորման պահանջարկի նվազման պատճառով 3 հազար աշխատատեղ կկրճատի
ԱՄՆ խոշորագույն բանկերից մեկը` Bank of America-ն մտադիր է չորրորդ եռամսյակի ընթացքում երեք հազար աշխատատեղ կրճատել: Դա կվերաբերի հատկապես այն աշխատակիցներին, որոնց գործունեությունը կապված է հիփոթեքային վարկերի տրամադրման հետ, հաղորդում է Wall street journal-ը:
Ըստ պարբերականի` բանկի ղեկավարությունն արդեն 1,2 հազար աշխատակցի ծանուցել է աշխատանքից ազատելու մասին: Բանկի պաշտոնական ներկայացուցիչը նշել է, որ ֆինանսական ինստիտուտը վերակառուցում է ծախսերի համակարգը` կապված հիփոթեքային ֆինանսավորման պահանջարկի նվազման հետ:
