Թունիսի կառավարությունը պատրաստ է հրաժարական տալ
Ռուսական ИТАР-ТАСС լրատվական գործակալության փոխանցմամբ՝ Թունիսի կառավարությունը պատրաստ է հրաժարական տալ՝ կատարելով երկիրը քաղաքական ճգնաժամից դուրս բերելուն միտված «ճանապարհային քարտեզի» պայմանները: Այս մասին երեկ հայտարարել է Թունիսի վարչապետ Ալի Լարաեդը:
Սակայն նա ամբողջովին չի արդարացրել ընդդիմության սպասումները՝ կապված բանակցություններ սկսելու հետ: Դրանով իսկ այդպես էլ չսկսվեց երկիրը քաղաքական ճգնաժամից դուրց բերելու վերաբերյալ «ազգային երկխոսությունը»:
Ավելի վաղ կողմերի միջև հաստատված «ճանապարհային քարտեզի» համաձայն, «ազգային երկխոսության» սկսվելուց մեկ ամիս անց իսլամականները և ընդդիմությունը պետք է ստեղծեն անկուսակցականների կառավարություն:
Բացի այդ, ենթադրվում է, որ այդ ժամանակահատվածում ընդունվելու է նոր Սահմանադրություն, և նշանակվելու է համընդհանուր ընտրությունների ժամկետը:
