Էրեբունու դատարանից ամբաստանյալը դիմել է փախուստի
shamshyan.com-ի փոխանցմամբ` քիչ առաջ արտակարգ դեպք է տեղի ունեցել Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանում:
Դատարանից փախել է ամբաստանյալը, ում քննչական մեկուսարանից տեղափոխել էին դատարան: Փախուստի դիմած ամբաստանյալը Սերոբ Մխիթարյանն է, ով մեղադրվում է մի շարք գողություններ կատաևրելու մեջ: Արդեն դատարան են ժամանել Արդարադատության նախարարության, Դատական դեպարտամենտի և ոստիկանության ծառայողները, ովքեր ձեռնարկում են օպերատիվ միջոցառումներ՝ փախուստի դիմած ամբաստանյալին գտնելու ուղղությամբ:
