Մեծ Բրիտանիայի վարչապետը Facebook-ին անպատասխանատվության մեջ է մեղադրել
Մեծ Բրիտանիայի վարչապետ Դեյվիդ Քեմերոնը Facebook-ի ղեկավարությանը մեղադրել է անպատասխանատվության մեջ: Քեմերոնը նման հայտարարությամբ հանդես է եկել սոցիալական ցանցի կողմից բռնության տեսարանների հրապարակումը կրկին թույլատրելու որոշման հետ կապված:
«Facebook –ի կողմից անպատասխանատու է հրապարկել գլխատման տեսանյութ, հատկապես` առանց նախազգուշացման: Ցանցի ղեկավարությունը պետք է բացատրություն տա իր գործողությունների համար մտահոգված ծնողներին»,-գրել է վարչապետը Twitter-ի իր էջում:
Facebook-ն իր հերթին հայտարարել է, որ սոցիալական ցանցը պետք է մարդկանց հնարավորություն տա տեղեկատվություն փոխանակել, այդ թվում` մարդկանց իրավունքների խախտման, ահաբեկչության եւ բռնության հարցերի վերաբերյալ: Սոցիալական ցանցից նշել են, որ երբ խոսքը բռնության գովաբանման մասին է, այդ ժամանակ Facebook-ն այլ քաղաքականություն է իրականացնում:
