Դեպարդյեին հաջողվել է խուսափել Վրաստանում ձերբակալվելու հեռանկարից
Վրաստանի իշխանությունները ֆրանսիացի դերասան, ՌԴ քաղաքացի Ժերար Դեպարդյեի նկատմամբ պատժամիջոց չեն կիրառել` առանց իրենց համաձայնության Աբխազիա այցելելու համար:
Դեպարդյեն, ով հոկտեմբերի 20-ին Բաքվում իրականացվող նկարահանումներից հետո տարանցիկ չվերթով Թբիլիսիի օդանավակայանում էր գտնվել, հայտնվել էր Վրաստանի անվտանգության աշխատակիցների ուշադրության կենտրոնում:
Ավելի ուշ «Грузия Online»-ը տեղեկացրեց, որ Վրաստանի ՆԳ նախարարությունից հայտնել են, որ դերասանի անձնագիրը «մաքուր» էր եւ այնտեղ Աբխազիա մուտք գործելու կնիք դրված չի եղել: Հետեւաբար, սահմանապահները որեւէ իրավունք չեն ունեցել դերասանին ձերբակալելու:
