Երեխայի մատը մնացել էր երկաթյա օղակի մեջ
Հոկտեմբերի 21-ին, ժամը 13.03-ին ահազանգ է ստացվել, որ Երևանի Հ.Քոչարի փողոցի թիվ 16 շենքի 14-րդ բնակարանի բնակիչ 6 տարեկան երեխայի մատն արգելափակվել է երկաթյա օղակի մեջ. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվար և ՃԿԿ ՕԽ-ն:
Շտապօգնության ավտոմեքենայով, փրկարարների ուղեկցությամբ, 2007թ. ծնված Գ. Ս.-ն տեղափոխվել է Թիվ 1 մանկական կլինիկական հիվանդանոց, որտեղ բժիշկները օղակը հանել են մատից:
