Իլհամ Ալիևն ընդունել է Ջեյմս Ուորլիքին
Ադրբեջանական Trend լրատվական գործակալության փոխանցմամբ՝ Ադրբեջանի նախագահ Իլհամ Ալիևն այսօր ընդունել է ԵԱՀԿ Մինսկի խմբի համանախագահ Ջեյմս Ուորլիքին: Հանդիպման ժամանակ կողմերը քննարկել են ԱՄՆ-ի ու Ադրբեջանի միջև երկկողմանի հարաբերությունների հեռանկարները:
Բացի այդ, կողմերը քննարկել են Ղարաբաղյան հակամարտության կարգավորման հարցը: Այլ մանրամասներ չեն հաղորդվել:
Հիշեցնենք, որ սրանից առաջ հաղորդվել էր, թե ԵԱՀԿ Մինսկի խմբի համանախագահները պլանավորել են նոյեմբերի սկզբին ժամանել տարածաշրջան և նոյեմբերի վերջին կազմակերպել Հայաստանի ու Ադրբեջանի նախագահների հանդիպում:
