ԱՄՆ հատուկ ծառայությունները գաղտնալսել են Մեքսիկայի նախկին նախագահին. Der Spiegel
Գերմանական Der Spiegel պարբերականի փոխանցմամբ՝ ԱՄՆ հատուկ ծառայությունները կոտրել են Ֆելիպե Կալդերոնի էլեկտրոնայն փոստը, երբ նա զբաղեցնում էր Մեքսիկայի նախագահի պաշտոնը: Ամերիկյան հատուկ ծառայությունները նույն կերպ վարվել են նաև Մեքսիկայի մի շարք նախարարների պարագայում:
Այս մասին են վկայում ամերիկյան հատուկ ծառայությունների նախկին աշխատակից Էդվարդ Սնոուդենի բացահայտումները: Դրանց համաձայն, Կալդերոնին գաղտնալսելու օպերացիան սկսվել է 2010 թվականի մայիսին և կրել է Flatliquid ծածկանունը:
ԱՄՆ հատուկ ծառայությունների ձեռքն ընկած տեղեկատվությունն առնչվել է Մեքսիկայի դիվանագիտական հարաբերություններին, տնտեսությանն ու անվտանգությանը: Դրանից առաջ՝ 2009 թվականին, ԱՄՆ հատուկ ծառայությունները գաղտնալսել են նաև Մեքսիկայի հասարակական անվտանգության նախարարության չինովնիկների:
Դա ԱՄՆ Ազգային անվտանգության գործակալությանը մասնավորապես հնարավորություն է տվել տեղեկացվել մեքսիկացի թմրավաճառների մասին: Նշվում է, որ 2012 թվականի գարնանը ԱՄՆ-ը գաղտնալսել է Մեքսիկայի գործող նախագահ Էնրիկե Պենյա Նիետոյի հեռախոսազրույցները: Ընդհանուր առմամբ, խոսքը գնում է հազարավոր գաղտնալսված հեռախոսազանգի մասին:
