Ադրբեջանի ու Թուրքիայի միջև վիզային ռեժիմը կարող է չեղյալ հայտարարվել հաջորդ տարի
Ադրբեջանական Trend լրատվական գործակալության փոխանցմամբ՝ Ադրբեջանի ու Թուրքիայի միջև վիզային ռեժիմը կարող է չեղյալ հայտարարվել հաջորդ տարի: Այս մասին թուրքական ԶԼՄ-ներին տված հարցազրույցի ժամանակ հայտարարել է Թուրքիայում Ադրբեջանի դեսպան Ֆաիգ Բագիրովը:
Վերջինիս խոսքերով՝ շարունակվում են վիզային ռեժիմի չեղյալ հայտարարման ուղղությամբ աշխատանքները. «Ավելի վաղ Ադրբեջանից Անկարա է ժամանել վիզային հարցերով փորձագետների մի մեծ խումբ: Ակնկալվում է, որ մոտ ժամանակներս Ադրբեջան կժամանի թուրքական պատվիրակությունը»:
