«Բաքու-Թբիլիսի-Ջեյհան» նավթամուղը նպաստել է Թուրքիայի շրջանների զարգացմանը
Թուրքական Anadolu լրատվական գործակալության փոխանցմամբ՝ «Բաքու-Թբիլիսի-Ջեյհան» (ԲԹՋ) նավթամուղը նպաստել է Թուրքիայի շրջանների զարգացմանը: Դա մասնավորապես վերաբերում է խողովակաշարի երթուղու մոտ գտնվող 330 գյուղերի:
Այն շրջաններում, որոնցով անցնում է ԲԹՋ-ը, սոցիալական զարգացման նախագծերի վրա ծախսվել է 110 միլիոն դոլար: ԲԹՋ-ի թուրքական հատվածի երկարությունը կազմում է 1076 կիլոմետր (ընդհանուր երկարությունը՝ 1766 կիլոմետր), այն նպաստել է Սևծովյան նեղուցներով նավթով լի հեղուկանավերի անցման կրճատմանը:
