Մոսկվայի քաղաքապետարանը չի արտոնել ընդիմության բազմահազարանոց երթը՝ վախենալով անկարգությունների կրկնվելուց
Ռուսական Интерфакс լրատվական գործակալության փոխանցմամբ՝ Մոսկվայի իշխանությունները հրաժարվել են արտոնել ընդիմության բազմահազարանոց երթը, որը պետք է տեղի ունենար հոկտեմբերի 26-ին:
Ընդ որում, Մոսկվայի քաղաքապետարանը չի առաջարկելու երթի այլընտրանքային ուղիներ, քանի որ հանրահավաքն ընդհանուր առմամբ համաձայնեցված չեն: Ընդդիմության ակցիային պետք է մասնակցեր մինչև 30.000 մարդ:
Այս մասին հայտարարել է Տարածաշրջանային անվտանգության դեպարտամենտի ղեկավարի առաջին տեղակալ Վասիլի Օլեյնիկը: Ազգայնական Դմիտրի Դեմուշկինի խոսքերով՝ քաղաքապետարանը վախենում է Բիրյուլևոյի անկարգությունների կրկնվելուց:
Նշվում է, որ Մոսկվայի իշխանությունները չեղյալ են հայտարարել նաև ավելի վաղ համաձայնեցված, ապօրինի ներգաղթյալների դեմ ուղղված հանրահավաքը, որը պետք է հոկտեմբերի 19-ին անցկացվեր մայրաքաղաքի հյուսիս-արևմտյան հատվածում:
