ԱՄՆ-ում դեմոկրատներն ու հանրապետականները փաստացիորեն պայմանավորվել են կառավարության ֆինանսավորման վերականգնման շուրջ. Politico
Politico թերթի փոխանցմամբ՝ ԱՄՆ կոնգրեսում ներկայացված դեմոկրատներն ու հանրապետականները փաստացիորեն պայմանավորվել են պետպարտքի գագաթնակետի բարձրացման և կառավարության ֆինանսավորումը վերականգնելու շուրջ:
Այս մասին հայտնել են Politico-ի սեփական անանուն աղբյուրները, որոնց տվյալներով Սենատում դեմոկրատական մեծամասնության և հանրապետական փոքրամասնության ներկայացուցիչներն արդեն իսկ ավարտել են փոխզիջումային օրինագծի կազմումը, որը կոչված է կարգավորել ներկայումս արհեստականորեն ստեղծված ֆինանսա-բյուջետային ճգնաժամը:
Երկու խմբակցությունների առաջնորդների մամլո քարտուղարները հաստատել են, որ Սենատում դեմոկրատների ու հանրապետականների ղեկավարները վերսկսել են նախօրեին դադարեցված ֆինանսա-բյուջետային ճգնաժամը հաղթահարելու վերաբերյալ բանակցությունները:
