ԱՄՆ-ն ու Իրանը երկկողմ հանդիպում են անցկացրել Ժնևում
Իրանական IRNA լրատվական գործակալության փոխանցմամբ՝ ԱՄՆ փոխպետքարտուղար Ուենդի Շերմանը երեկ Ժնևում հանդիպում է ունեցել Իրանի միջուկային ծրագրի գծով փոխարտգործնախարար Աբբաս Արաղչիի հետ:
Հանդիպումն անցկացվել է Իրանի ու «Վեցյակի» ներկայացուցիչների միջև բանակցությունների երկրորդ փուլի ավարտից հետո: Երկրորդ փուլը Ժնևում կայացել է երեկ: Այսօր շարունակվելու են Իրանի ու «Վեցյակի» միջև բանակցությունները, որոնք կարող են ավարտվել օրվա առաջին կեսին:
Դա կարող է տեղի ունենալ փոխըմբռնման դեպքում, սակայն անհրաժեշտության դեպքում իրանցի բանագնացները կարող են մնալ ևս մեկ օր, որպեսզի մանրամասն պատասխանեն բոլոր հարցերին:
