Ե՞րբ է տապալվում կառավարությունը
2013 թվականի բյուջեով նախատեսված էր 6.2 տոկոս տնտեսական աճ, սակայն կառավարության վերանայման արդյունքում՝ այդ ցուցանիշը նվազեցվել է 4.1 տոկոսի: 168.am-ի հետ զրույցում Կառավարության աշխատակազմի ղեկավար-նախարար Վաչե Գաբրելյանը, ի պատասխան այն հարցի, թե ինչու է տնտեսական աճի կանխատեսումը նվազել, պատասխանեց. «Դա չի նշանակում, որ կառավարությունը տապալվել է: Դե, կանխատեսում է, կանխատեսումները, բնականաբար, որոշակի չափով իրականանում են, որոշ առումով՝ ոչ: Եղել են տնտեսական փոփոխություններ, վառելիքաէներգետիկ ռեսուրսների աճ, որոնք պետք է բացատրվեն հասարակությանը, Ազգային ժողովին, բոլորին»:
