Ֆրանսուա Օլանդը մոտ ժամանակներս կմեկնի Թուրքիա
Թուրքական Anadolu լրատվական գործակալության փոխանցմամբ՝ Ֆրանսիայի նախագահ Ֆրանսուա Օլանդը մոտ ժամանակներս կայցելի Թուրքիա: Այս մասին հայտարարել է պաշտոնական այցով Թուրքիա ժամանած Ֆրանսիայի արդյունաբերական վերածննդի նախարար Առնո Մոնտեբուրգը:
Վերջինս ընդգծել է, որ Թուրքիան առանցքային դեր է խաղում տարածաշրջանի զարգացման հարցում. «Թուրքիան տպավորում է: Դա մեծ երկիր է, որը կարողացել է զգալի հաջողությունների հասնել արդյունաբերության, տնտեսության, արվեստի և այլ ոլորտներում»:
Մոնտեբուրգը Թուրքիայում քննարկել է երկու երկրների տնտեսական փոխգործակցության և փոխադարձ ներդրումների հնարավորության հարցերը:
