Վթար`Երևան-Մեղրի ավտոճանապարհին. մեքենան գլորվել է ձորը
Հոկտեմբերի 14-ին, ժամը 20.23-ին տեղեկատվություն է ստացվել, որ Վայոց ձորի մարզի Ելփին գյուղի մոտակայքում տեղի է ունեցել ՃՏՊ. անհրաժեշտ է փրկարարների օգնությունը: Դեպքի վայր է մեկնել մեկ մարտական հաշվարկ, հայտնում են ԱԻ նախարարությունից:
Դեռևս չբացահայտված հանգամանքներում Երևան-Մեղրի ավտոճանապարհի 93-րդ կմ-ում «ԲՄՎ» մակնիշի 35ՍՏ491 պետհամարանիշի ավտոմեքենան (վարորդ` 1982թ. ծնված Ալբերտ Միգոյան) դուրս է եկել ավտոճանապարհի երթևեկելի հատվածից և գլորվել ձորը (մոտ 8 մ խորությամբ):
Հրշեջ-փրկարարները հոսանքազրկել են ավտոմեքենան: Զոհեր և վիրավորներ չկան:
