Պեդոֆիլների դեմ պայքարող ակտիվիստին սպանել են
Թաթարստանում ոստիկանությունը հետաքննում է պեդոֆիլների դեմ պայքարող ակտիվիստ աղջկա սպանության գործը։ 30 ամյա Ելենա Գորբուշկովայի արյունաշաղախ մարմինը հայտնաբերվել է Նաբերեժնիե Չելնի քաղաքում՝ հասարակական տրանսպորտի կանգառի մոտակայքում։
Նեղ շրջանակներում հայտնի «Оккупай педофиляй» շարժման ակտիվիստի մարմնի վրա փորձագետները հայտնաբերել են դանակի 20 հարված։ Մարդասպանը հարվածել է հիմնականում դեմքին և վզին։
Հանցագործությունը կատարելու կասկածանքով ձերբակալվել է նախկինում մի քանի անգամ քրեական պատասխանատվության ենթարկված 27-ամյա մի տղամարդ՝ նույն քաղաքի բնակիչ։ Նա խոստովանել է, որ աղջկան ինքն է սպանել՝ անձնական ոչ հարթ հարաբերությունների պատճառով։
