Դուխովնին ու Անդերսոնը պատրաստ են նկարահանվել «Գաղտնի նյութերի» շարունակության մեջ
Հանրահայտ «Գաղտնի նյութեր» հեռուստասերիալի աստղեր Դեյվիդ Դուխովնին եւ Ջիլիան Անդերսոնը հայտարարել են, որ պատրաստ են նկարահանվել այդ պատմության երրորդ ֆիլմում, կիրակի գրել է Washington Post-ը:
Նման հայտարարություն դերասաններն արել են ֆիլմի երկրպագուների հետ հանդիպման ժամանակ, որը տեղի է ունեցել Նյու Յորքում` հեռուստասերիալի առաջին էպիզոդի եթեր դուրս գալու 20-ամյակի կապակցությամբ: Նրանք նշել են, որ երրորդ ֆիլմի նկարահանումներն սկսելու որոշումը պետք է կայացնի «20th Century Fox» կինոստուդիան:
«Գաղտնի նյութեր» (The X-Files) հեռուստասերիալն առաջին անգամ եթեր է դուրս եկել 1993թ-ին:
