Մեդվեդևը բարձր է գնահատել Իլհամ Ալիևի դերը ռուս-ադրբեջանական հարաբերությունների ամրապնդման հարցում
Ադրբեջանական APA լրատվական գործակալության փոխանցմամբ`Ռուսաստանի վարչապետ Դմիտրի Մեդվեդևը նամակ է հղել Ադրբեջանի նախագահ Իլհամ Ալիևին, որում շնորհավորել է նրան` կապված հոկտեմբերի 9-ի նախագահական ընտրությունների արդյունքներով Ադրբեջանի նախագահի պաշտոնում վերընտրվելու հետ:
Մեդվեդևն ընդգծել է, որ ընտրական կամպանիան վերահաստատեց, որ Ադրբեջանի քաղաքացիներն ամբողջովին աջակցում են երկրի սոցիալ-տնտեսական զարգացումն արագացնելու վերաբերյալ Իլհամ Ալիևի դիրքորոշմանը:
Մեդվեդևը հավելել է, որ բարձր է գնահատում Իլհամ Ալիևի դերը ռուս-ադրբեջանական բարեկամական հարաբերությունների ամրապնդման հարցում: Նամակում նաև ընդգծվում է, որ երկկողմանի համագործակցության էլ ավելի ընդլայնումն ամբողջովին համապատասխանում է Ռուսաստանի ու Ադրբեջանի ժողովուրդների շահերին:
