Հոկտեմբերի 9-ին Ադրբեջանում անցկացվել են ոչ ժողովրդավարական ընտրություններ. Freedom House
Haqqin.az պորտալի փոխանցմամբ` Freedom House միջազգային իրավապաշտպան կազմակերպության տնօրեն Դևիդ Կրամերը մեկնաբանել է հոկտեմբերի 9-ին Ադրբեջանում նախագահական ընտրությունների անցկացումը:
Կրամերի խոսքերով` Ադրբեջանում անցկացվել են ոչ ժողովրդավարական ընտրություններ, և որ Ադրբեջանի կառավարությունն անտեսել է իր ստանձնած միջազգային պարտավորությունները: Դրա հետ կապված` Կրամերը դիմել է ԵՄ-ի ղեկավարությանը, որպեսզի նա պատժամիջոցներ կիրառի Ադրբեջանի պաշտոնատար անձանց հանդեպ.
«Մենք ԵՄ-ին կոչ ենք անում լրջորեն վերաբերել մարդու իրավունքների ու ժողովրդավարության հարցերին, և դադարեցնել Ադրբեջանի պաշտոնատար անձանց համար վիզային ռեժիմի դյուրացման շուրջ բանակցությունները»:
