Ադրբեջանում պաշտոնաթերթը հրապարակել է ընտրակեղծիքի մասին վկայող լուսանկար
Ադրբեջանական Turan լրատվական գործակալության փոխանցմամբ` «Հալգ» պաշտոնաթերթը հոկտեմբերի 10-ին հրապարակել է բավական ուշագրավ լուսանկար: Խոսքը հոկտեմբերի 9-ին Սումգայիթ քաղաքում նախագահական ընտրությունների քվեարկության մասին է:
Այդ լուսանկարում երևում է, որ քվեարկող տղամարդը մեկ քվեաթերթիկ է գցում քվեատուփի մեջ, սակայն նրա մյուս ձեռքում կան մի քանի քվեաթերթիկներ: Նրա կողքին կանգնած է մեկ ուրիշ ընտրող, ով նույնպես քվեարկում է: Նրանք չեն թաքցնում իրենց գոհունակությունը տեղի ունեցածից:
Ուշագրավ է, որ այդ լուսանկարն արդեն իսկ հանվել է թերթի կայքից:
