Իրանը կես տարվա ընթացքում պլանավորել է ուղեծիր արձակել երեք արբանյակ
Իրանական PressTV հեռուստաալիքի փոխանցմամբ` Իրանի տիեզերական գործակալության ղեկավարի տեղակալ Համիդ Ֆազելին հայտարարել է, որ Իրանը կես տարվա ընթացքում պլանավորել է ուղեծիր ուղարկել երկրում մշակված ու կառուցված երեք արբանյակ:
Ֆազելին հավելել է, որ Tadbir ու Sharif Sat արբանյակներն ուղեծիր են արձակվելու տարեվերջին (հաջորդ տարվա մարտ): Ֆազելին ընդգծել է, որ իրենք այդ երկու արբանյակները փորձարկելու են երկու ամսում: Նա հավելել է, որ Nahid արբանյակը, որը ներկայումս գտնվում է մշակման փուլում, նույնպես ուղեծիր կուղարկվի մինչև օրացուցային տարվա վերջ:
