Հասան Ռոուհանին չեղյալ է հայտարարել ամենամյա հակաիսրայելական կոնֆերանսի անցկացումը
Ամերիկյան Associated Press լրատվական գործակալության փոխանցմամբ՝ Իրանի նախագահ Հասան Ռոուհանիի աշխատակազմն այսօր չեղյալ է հայտարարել հակաիսրայելական ամենամյա կոնֆերանսը, որը Թեհրանում ավանդաբար անցկացվում է 2005 թվականից:
Իրանի ղեկավարությունը հասկացնել է տվել, որ կոնֆերանսը չեղյալ է հայտարարվել նոր իշխանությունների արտաքին քաղաքականությանը չհամապատասխանելու համար, որոնք փորձում են գտնել արտաքին աշխարհի հետ նորմալ փոխգործակցելու ուղին:
Իրանցի պահպանողականներն արդեն իսկ դատապարտել են Ռոուհանիի այդ որոշումը՝ կոնֆերանսի չեղյալ հայտարարումը որակելով որպես «աղետ» և «խոշոր սխալ»: Միջոցառման կազմակերպիչներն ընդգծում են, որ «Նոր հորիզոններ» կոնֆերանսը հանդիսացել է հակասիոնիստական խոշորագույն միջոցառումը, որի չեղյալ հայտարարումը բացասաբար կազդի հակաիսրայելական շարժման վրա:
Կոնֆերանսին պատրաստվում էր մասնակցել 50 իրանցի և 63 օտարազգի: Այդ անձանց հրավերներ ուղարկվել են դեռևս Մահմուդ Ահմադինեժադի նախագահության ժամանակ: Հենց նրան են համարում կոնֆերանսի գլխավոր նախաձեռնող ու ոգեշնչող:
