Եվրոպական ընկերությունները կարող են խոչընդոտել Ստամբուլի երրորդ օդանավակայանի կառուցմանը. Բինալի Յըլդըրըմ
![](https://168.am/wp-content/uploads/2013/10/294ead90-30af-11e3-a7f4-0158b26c6a12-jpg20131010111445.jpg)
Թուրքական Anadolu լրատվական գործակալության փոխանցմամբ՝ Թուրքիայի տրանսպորտի, կապի ու նավագնացության նախարար Բինալի Յըլդըրըմը հայտարարել է, որ եվրոպական մի շարք ընկերություններ կարող են փորձել խոչընդոտել Ստամբուլում երրորդ օդանավակայանի կառուցմանը.
«Թուրքիան վերածվել է օդային փոխադրումների կենտրոնի, Ստամբուլը փոխարինել է եվրոպական մի շարք քաղաքների: Եվրոպական մի շարք ընկերություններ հիրավի շատ են աշխատել Ստամբուլի երրորդ օդանավակայանի կառուցման վերաբերյալ պայմանագիր կնքելու ուղղությամբ, սակայն դա ստացել է թուրքական կոնսորցիումը:
Այդ պլանում եվրոպական մի շարք ընկերություններ կարող են դիմել մի շարք բանկերի՝ խնդրելով վարկեր չտրամադրել կոնսորցիումին: Ես չեմ կարծում, թե եվրոպական որևէ կառավարություն կներգրավվի նման գործողություններում, որոնք հակասում են նաև ժողովրդավարական նորմերին:
Սակայն մենք բախվել ենք մի շարք օտար ֆինանսական ընկերությունների հարուցած ֆինանսական խոչընդոտների: Նրանք օգտագործել ենք մի շարք պատմական իրադարձություններ կամ բնապահպանական խնդիրներ, որպեսզի դրանք հանգեցնեն մի շարք խոշոր նախագծերի համար վարկ տրամադրելու հարցում մերժմանը:
Այնպես որ մեզ չի զարմացնի, եթե մենք նման դժվարությունների բախվենք նաև երրորդ օդանավակայանի նախագծի հարցում: Սակայն մենք ձեռնարկում ենք բոլոր միջոցներն այդ հնարավորության դեմ: Եվրոպական ընկերությունները վնասներ չեն կրի այս նախագծի իրագործումից:
2008 թվականից լուրջ փոփոխություններ են գրանցվել համաշխարհային ավիացիայում: Նախկինում տվյալ ոլորտում գերիշխում էին ԱՄՆ-ն ու Եվրոպան, սակայն այժմ նկատելի է արևելյան երկրների, այդ թվում նաև Թուրքիայի վերելքը: Թուրքիան վճռորոշ դեր է խաղում որպես տարածաշրջանային հանգույց»:
Հիշեցնենք, որ այս տարվա մայիսին Ստամբուլի երրորդ օդանավակայանի կառուցման մրցույթը շահել է Limak-Kolin-Cengiz-MaPa-Kalyon թուրքական ընկերությունների կոնսորցիումը, որը նախագծի իրագործման համար առաջարկել է 22.1 միլիարդ եվրո:
Երրորդ օդանավակայանը կառուցվելու է Ստամբուլի հյուսիսային հատվածում՝ Թերքոս լճի մոտ: Սկզբնական շրջանում այդ օդանավակայանը տարեկան սպասարկելու է մինչև 90 միլիոն ուղևորի: Հետագայում այդ ցուցանիշը հասցվելու է մինչև 150 միլիոնի: