Իրանական նոր անօդաչու թռչող սարքերը կարող են հասնել Թել Ավիվ. իրանցի գեներալ
Իրանական Fars լրատվական գործակալության փոխանցմամբ՝
Իրանի Իսլամական հեղափոխության պահակազորի օդա-տիեզերական զորքերի հրամանատար, գեներալ Ամիր Ալի Հաջիզադեհը հայտարարել է, որ Իրանն ունի 129 անտեսանելի նոր անօդաչու թռչող սարքեր (ԱԹՍ), որոնք ունակ են հասնել Թել Ավիվ:
Նա հավելել է, որ իրանական նոր ԱԹՍ-ն հանդիսանում է ամերիկյան RQ170 հետախուզական ԱԹՍ-ի վերափոխված տարբերակը: Նա հիշեցրել է, որ նախատիպ ծառայած ամերիկյան այդ ԱԹՍ-ն վայր է գցվել 2011 թվականի դեկտեմբերի 4-ին:
Նշվում է, որ Իրանից մինչև Թել Ավիվ հեռավորությունը կազմում է 1000 կիլոմետր: Թեհրանը ոչ վաղ անցյալում հայտարարել է, որ սկսում է «Շահեդ 129» հարվածային ԱԹՍ-ի զանգվածային արտադրությունը, որի հեռահարությունը կազմում է մոտ 1700 կիլոմետր: Շնորհանդեսին ցուցադրվել է այդ ԱԹՍ-ի երկու մոդել, սակայն ոչ ոք չի տեսել, որ դրանք բարձրանան օդ:
